Өлөөн түмэлэ Анаабырга ыалдьыттаата

Кулун тутар 2-3 күннэригэр Сааскылаахха хайа да умнуллубат, айымньылаах тэрээһин буолан ааста. Өлөөннөөҕү хотугу норуоттар историяларын уонна этнографияларын түмэлин үлэһиттэрэ “Үрэн хоһуун былыргы сирин туһунан” (О Древней Земле Урэн Хосуна) аан бастакы тас быыстапкаларын ситиһиилээхтик тэрийэн ыыттылар. Бу тэрээһин эбэҥкилэр этнографическай үгэстэригэр уонна Өлөөннөөҕү хотугу норуоттар историяларын уонна этнографияларын түмэлин төрүттээччи В.А. Бенчик 85 сааһыгар ананан ыытылынна. Быыстапканы култуура киинигэр “Ситим” базатыгар тэрийдилэр. Тэрээһин кэмигэр Өлөөн түмэлин үлэһиттэрэ олохтоохторго музей историятын дириҥнэтэн билиһиннэрдилэр, ону таһынан ураты муода коллекцияларын көрдөрөн дьон сэргэхсийэр санааларын үөскэттилэр. Быыстапкаҕа туруоруллубут былыргы археологическай экспонаттар, былыргы олох туоһулара кэлбит дьон интириэһин үөскэттилэр. Ону тэҥэ, дьон — сэргэ өйдөбүлүн хаҥатар туһуттан, Өлөөн улууһугар буолбут дьиҥнээх түбэлтэҕэ олоҕуран уһуллубут, истиҥ иэйиилээх “Туундара үрүҥ аанньала” диэн художественнай киинэ көрдөрүллүбүтэ. Бу киинэ туундара олоҕун, дьон эрэйин кыһалҕатын, сибэтиэй санааларын чаҕылхайдык көрдөрөн, көрөөччүлэр сүрэхтэригэр иҥтэ. Быыстапкабытыгар дьон олус көхтөөхтүк сырытта. Уһуйаан оҕолоро, оскуола үөрэнээччилэрэ бөлөхтөрүнэн кэлэн көрө сырыттылар. Ону тэҥэ мобильнай быраастар биригээдэлэрэ кэлэн олус интириэһиргээн барбыттара. Хомойуох иһин Сааскылаах иһин сатаан кэрийбэтибит, эрдэ эппитим курдук сарсыардаттан хойукка диэри сылдьан сылайабыт ахан.

Дополнительные фотографии:  Загрузить / Загрузить / Загрузить / Загрузить / Загрузить / Загрузить / Загрузить / Загрузить / Загрузить / Загрузить / Загрузить / Загрузить